1 Iyul 2023
1118
“MAXIMA MASTERS Eurasia Cup” turnirida navbatdagi muvaffaqiyatlar
Rossiyaning Moskva viloyatida o‘tayotgan konkur bo‘yicha “MAXIMA MASTERS Eurasia Cup” turniridan yana bir xushxabar. Hamyurtlarimiz ortda qolgan galdagi dasturlarda 2 ta bronza medallariga sazovor bo‘lishdi.
To‘siq balandligi 130 smni tashkil etgan jamoaviy bellashuvlarda yurtdoshlarimiz faxrli uchinchi o‘rinni egallashdi. Bellashuvlarda Ibrohim Yo‘ldoshev, Bekzod Ro‘zmuhamedov hamda A’zam Tolibboyev mamlakatimiz sharafini himoya qildilar. Musobaqada oltin medallar Qirg‘iziston, kumush esa Rossiya termasiga nasib etdi.
Shuningdek, bolalar o‘rtasidagi Gran-pri dasturida (110 sm) Firdavsbek Davronbekov uchinchi o‘rinni egalladi. Bellashuvlarda yurtdoshimiz “Gvendulayn” laqabli tulpori bilan harakat qildi.
