Ayni kunlarda Jizzaxda velosportning ВMX yoʻnalishi boʻyicha 2007-2008 va 2009-2010-yillarda tugʻilgan yoshlar oʻrtasida Oʻzbekiston chempionati boʻlib oʻtmoqda. Ushbu yoʻnalish yurtimiz sportiga yaqinda kirib kelganiga qaramay qisqa vaqt ichida katta auditoriya yigʻishga muvaffaq boʻldi.

Yakkalik bahslari yakunlariga koʻra, Otabek Ibragimov (Jizzax), Artur Strelsov (Jizzax), Manucher Abdurasulov, (Jizzax), Viktoriya Polzunova (Sirdaryo), Nozima Egamberdiyeva (Jizzax), Diyora Abdurasulova (Navoiy) oʻz yosh toifalarida oltin medallarni qoʻlga kiritishdi. Bugun jamoaviy yoʻnalishda gʻolib va sovrindorlar aniqlab olinadi.