27 Iyun 2023
1213
Toshkentda dzyudo bo’yicha bolalar o’rtasida musobaqa o’tkazildi
30-iyun – Yoshlar kuni munosabati bilan poytaxtimizdagi “Universal” sport saroyida dzyudo boʻyicha “Tashkent open judo kids 2023” musobaqasi boʻlib oʻtdi. Unda Oʻzbekiston, Qozogʻiston, Qirgʻiziston va Tojikistondan 9-10 hamda 11-12 yosh oraligʻidagi 600 nafardan ziyod bolalar ishtirok etdi.
Yosh polvonlarimiz butun turnir davomida yuqori texnika va tayyorgarliklari bilan ajralib turishdi. Bahslar yakunida hamyurtlarimiz 8 ta oltin, 5 ta kumush va 13 ta bronza medallari bilan umumjamoa hisobida birinchi oʻrinni qoʻlga kiritishdi.
