Rossiya Federatsiyasining Moskva viloyatida oʻtayotgan konkur boʻyicha “Maxsima Masters Eurasia league” musobaqasining yana bir kuni yakuniga yetdi. Quvonarlisi, ushbu kun bellashuvlari ham Oʻzbekiston terma jamoasi uchun muvaffaqiyatli oʻtdi.

130 sm balandlikdagi toʻsiqlardan sakrash bahslarida Nurjan Tuyakbayev eng yaxshi natija qayd etib, oltin medalni qoʻlga kiritdi. Yana bir ahamiyatli tomoni, Kichik doira yoʻnalishida kechgan jamoaviy bahslarda Oʻzbekiston terma jamoasi uchinchi oʻrinni egalladi. Bellashuvlarda quyidagi sportchilarimiz yurtimiz sharafini himoya qilishdi: Nurjan Tuyakbayev, Ibrohim Yoʻldoshev, Bekzod Roʻzmuhammedov, Xurshidbek Alimjonov.