Rossiya Federatsiyasi Moskva viloyatidagi “Maxsima” ot sporti majmuasida konkur bo’yicha “Maxsima Masters” kichik sovrini uchun Yevrosiyo ligasi yulduzlari musobaqasi start oldi. Turnirning ortda qolgan kuni hamyurtimiz uchun muvaffaqiyatli o’tdi.

To’siq balandligi 100 smni tashkil etgan bahslarda Firdavsbek Davronbekov ikkinchi natijani qayd etib, kumush medalga sazovor bo’ldi. Ta’kidlash joiz, bolalar toifasida kechgan qiziqarli bellashuvlarda mintaqaning sara 66 nafar yosh chavandozi qatnashdi.