Ayni kunlarda konkurchilarimiz Polshada xalqaro oʻquv-mashgʻulot yigʻinida ishtirok etishayotgani haqida xabar bergan edik. Bugun hamyurtimiz Bekzod Qurbonov yigʻin doirasida tashkil etilayotgan nufuzli musobaqada ishtirok etadi.

Katta halqa tasnifiga kiruvchi turnir “Szary Michatowice” majmuasida boʻlib oʻtadi. Qayd etish joiz, ushbu start terma jamoamiz yetakchilaridan biriga Osiyo oʻyinlariga tayyorgarlik vazifasini oʻtab beradi. Bellashuvlarda Qurbonovga “Santos Hippica” laqabli tulpori hamrohlik qiladi.