Saytning eski versiyasi

Xitoyning Usi shahrida oʻtayotgan qilichbozlik boʻyicha Osiyo chempionatidan xushxabar. Ayollar oʻrtasida sablya yoʻnalishida kechgan bahslarda hamyurtimiz Zaynab Dayibekova oltin medalni qoʻlga kiritdi.

Pley-off bosqichida ikkinchi saralangan sportchi sifatida harakat qilgan Dayibekova saralashda Vyetnam, Xitoy, Avstariliya vakillarini, yarim finalda hindistonlik Bxavani Chadalavadani, finalda esa uch karra jahon chempionati sovrindori, Tokio-2020 Olimpiadasi bronza medali sohibi janubiy koreyalik Jisu Yunni magʻlubiyatga uchratdi. Bu qoraqalpogʻistonlik sportchimizning kattalar oʻrtasidagi Osiyo chempionatlarida qoʻlga kiritgan birinchi oltin medali!