17 Iyun 2023
1120
Voleybolchilarimiz xalqaro musobaqada
Voleybol boʻyicha Oʻzbekiston erkaklar va ayollar terma jamoalari navbatdagi xalqaro musobaqalarda ishtirokini boshladi. Qizlarimiz Indoneziyada toʻrtinchi bor tashkil etilayotgan “AVC challenge cup” turnirida qatnashayotgan boʻlsalar, yigitlarimiz Qirgʻizistonda Markaziy Osiyo Millatlar ligasi turnirida oʻz omadlarini sinab koʻrishmoqda.
Bugun jamoalarimiz musobaqa doirasidagi ilk uchrashuvlarini oʻtkazishadi. Qizlarimiz “D” guruhida Vetnam va Moʻgʻuliston termalari bilan bir guruhdan oʻrin olgan. Yigitlarimiz esa aylana tizimida oʻtadigan turnirda Qirgʻizistonning ikki jamoasi, shuningdek, Moʻgʻuliston, Nepal, Eron, Turkmaniston termalari bilan kuch sinashishadi.
