Ot sportining konkur va uchkurash yo’nalishlari bo’yicha O’zbekiston terma jamoalari Polshaning Stshegom shahriga yo’l oldi. Hamyurtlarimiz ushbu shaharda ikki haftalik o’quv-mashg’ulot yig’inida ishtirok etishadi.

Polsha safariga terma jamoa sardori va bosh murabbiyi Bekzod Qurbonov boshchiligidagi 6 nafar sportchi jalb etilgan. Qayd etish joiz, mahalliy sportchilar bilan o’tadigan ushbu yig’in Xanchjou-2022 Osiyo o’yinlari, shuningdek, oldinda kutib turgan boshqa yirik musobaqalarga tayyorgarlik vazifasini o’tab beradi. Rejaga ko’ra ushbu davrda bir qator nazorat musobaqalari o’tkazilib, hamyurtlarimizning jismoniy va funksional holati ko’zdan kechirib olinadi.