Veloshosse bo’yicha O’zbekiston terma jamoasi Tailandda o’tayotgan Osiyo chempionatida navbatdagi medalini qo’lga kiritdi. Hamyurtimiz Begzod Rahimboyev 23 yoshgacha bo’lgan sportchilar o’rtasida kechgan guruh poygasi dasturida kumush medalga ega chiqdi.

Murosasiz bellashuvda qozog’istonlik atlet oltin medalga sazovor bo’lgan bo’lsa, BAA vakili kuchli uchlikni yakunlab berdi. Bu terma jamoamizning musobaqadagi yettinchi medali. Hamyurtlarimiz shu paytgacha 2 ta oltin, 3 ta kumush va 2 ta bronza medallarini jamg’arishgan.