9 Iyun 2023
2948
Akademik eshkak eshish boʻyicha Oʻzbekiston terma jamoasi Litvada
Akademik eshkak eshish boʻyicha Oʻzbekiston terma jamoasi ayni kunlarda Litvada oʻquv-mashgʻulot yigʻinini olib bormoqda. 29-may kuni boshlangan yigʻin 4-iyul kunigacha davom etadi. Litva safariga 4 nafar murabbiy va 9 nafar sportchi jalb etilgan. Rejaga muvofiq, terma jamoamiz 23-25-iyun kunlari ushbu mamlakatda oʻtadigan xalqaro musobaqada ham ishtirok etadi. Ushbu yigʻin sportchilarimiz uchun joriy yil kutib turgan litsenzion jahon chempionati, Osiyo oʻyinlari kabi yirik musobaqalarga tayyorgarlik yoʻlidagi asosiy bosqich boʻlib xizmat qiladi.
