8 Iyun 2023
940
Chavandozlarimiz Germaniyadagi turnirda
Bugun Germaniyaning Vestershted shahrida ot sportining uchkurash yoʻnalishi boʻyicha CCI2*-L xalqaro musobaqasi start oldi. Mazkur nufuzli turnirda Oʻzbekiston terma jamoasi aʼzolari ham ishtirok etadi.
Bellashuvlarda Jasurbek Xotambekov, Alisher Erkinov va Muhammaddiyor Raimjonov yurtimiz sharafini himoya qilishadi. Ularga musobaqa davomida Oʻzbekiston yilqichilik va ot sporti federatsiyasi bosh murabbiyi Bekzod Qurbonov ustozlik qiladi. Yurtimizda endigina rivojlanayotgan ushbu Olimpiada sport turi koʻpchilikda qiziqish uygʻotmoqda. Oʻz navbatida, chavandozlarimizning Yevropa maydonlarida bu kabi turnirlarda ishtirok etishi, ularga oʻz mahoratlarini oshirish yoʻlida foydali boʻladi.
