Ispaniyaning Ovyedo shahrida sinxron suzish boʻyicha Jahon kubogining super finali oʻtkazildi. Mazkur nufuzli musobaqada Oʻzbekiston terma jamoasi aʼzolari ham ishtirok etishdi. Diana Onkes, Ziyodaxon Toshxoʻjayeva hamda Anna Vashenkolardan iborat terma jamoamiz aʼzolari ikki dastur boʻyicha oʻz mahoratlarini namoyish qilishdi.

Dastlabki kun hamyurtlarimiz texnik duet mashqida chiqish qilishdi va ularning bajargan mashqlari hakamlar tomonidan 194.4066 ballga loyiq topildi. Ikkinchi kunda esa qizlarimiz erkin dastur boʻyicha bahslarda qatnashdilar. Qizlarimiz bu yoʻnalishda 152.2250 ball jamgʻarishdi.

Shu tariqa, sinxron suzish boʻyicha jahon kubogining super finali yakuniga yetdi. Qiziqarli bahslar yakunida hamyurtlarimiz ikkala dastur boʻyicha ham 8-natijani qayd etishdi.