Koreyada oʻtayotgan yengil atletika boʻyicha yoshlar oʻrtasidagi Osiyo chempionatidan yana bir xushxabar. Bugun oʻtkazilgan musobaqaning ikkinchi kunida Oʻzbekiston terma jamoasi aʼzosi Elina Silyamiyeva kumush medalni qoʻlga kiritdi.

Bosqon uloqtirish bahslarida ishtirok etgan yurtdoshimizning uchinchi urinishda qayd etgan 60.53 metr natijasi unga shohsupaning ikkinchi pogʻonasiga koʻtarilishini taʼminladi. Ushbu dasturda snaryadni 64.92 metrga uloqtira olgan xitoylik Gao Szinyao oltin medalni qoʻlga kiritdi.

1. Gao Szinyao (Xitoy) – 64.92 metr
2. Elina Silyamiyeva (Oʻzbekiston) – 60.53
3. Taixi Kim (Janubiy Koreya) – 59.97