Gretsiyaning Pirey shahrida, mashhur Munitsipal teatri maydonida yengil atletikaning uzunlikka sakrash yoʻnalishi boʻyicha “Piraeus Street Long Jump” xalqaro musobaqa boʻlib oʻtdi. Butunjahon yengil atletika federatsiyasining taqvimidan oʻrin olgan “kumush” darajadagi ushbu musobaqada qatnashgan hamyurtimiz Anvar Anvarov 7.84 metr natija bilan bronza medalini qoʻlga kiritdi. Turnirda gʻoliblik Tokio-2020 Olimpiadasi chempioni, gretsiyalik Miltiadis Tentogluga nasib etgan boʻlsa, shvetsiyalik Tobias Montler ikkinchi oʻrinni egalladi.

1. Miltiadis Tentoglu (Gretsiya) – 8.24
2. Tobias Montler (Shvetsiya) – 7.88
3. Anvar Anvarov (Oʻzbekiston) – 7.84