30 May 2023
1110
Rapirachilarimiz Tbilisiga yo’l olishdi
2-3-iyun kunlari Gruziyaning Tbilisi shahrida qilichbozlikning rapira yoʻnalishi boʻyicha ayollar oʻrtasida navbatdagi Jahon kubogi bosqichi boʻlib oʻtadi. 38 davlatdan 200 nafarga yaqin sportchi bahs olib boradigan ushbu turnirda Oʻzbekiston terma jamoasi ham qatnashadi.
Maʼlumki, qilichbozlik sportida Parij-2024 Olimpiadasi uchun reyting ochkolarini jamgʻarish davri boshlandi. Tbilisidagi bahslarda qilichbozlarimizdan Umida Ilyasova hamda Komila Mirzayeva yurtimiz sharafini himoya qilishadi. Murabbiy Doniyor Nugumanov boshchiligidagi sportchilarimiz bugun Gruziyaga yoʻl olishdi.
