29 May 2023
795
Bokuda taekvondo boʻyicha jahon chempionati start olmoqda
Bugun Ozarbayjon poytaxtida taekvondo WT boʻyicha jahon chempionati boshlanadi. Reglamentga koʻra, musobaqaning birinchi kunida erkaklar oʻrtasida -68 kg, ayollarda esa -57 kg vazn toifasida gʻolib va sovrindorlar aniqlanadi. Bugungi bellashuvlarda hamyurtlarimizdan Tokio-2020 Olimpiadasi chempioni Ulugʻbek Rashitov hamda Madina Mirabzalova yurtimiz sharafini himoya qilishadi. Ular musobaqani quyidagi raqiblariga qarshi boshlaydilar:
-68 kg: Ulugʻbek Rashitov – Uilfrid Makentchou (Kamerun) / Jozef Firi (Malavi)
-57 kg: Madina Mirabzalova – Tina Modanlo (Eron)
Oʻzbekiston Milliy Olimpiya qoʻmitasi bugun boshlanayotgan masʼuliyati musobaqada terma jamoamiz vakillariga omad va zafarlar tilab qoladi.
