23-25-may kunlari poytaxtimizdagi “Universal Horses Stables” majmuasida bolalar, oʻsmirlar va yoshlar oʻrtasida ot yoʻrttirish boʻyicha Oʻzbekiston chempionati boʻlib oʻtdi. Qiziqarli bellashuvlarda yurtimizning turli hududlaridan kelgan yosh chavandozlar gʻoliblik uchun kurash olib borishdi.

Bellashuvlar davomida har kuni saralash, jamoaviy va shaxsiy yoʻnalishda gʻolib va sovrindorlar aniqlab olindi. Musobaqa yakunida barcha yosh toifalarida mutlaq chempionlar nomi eʼlon qilindi. Unga koʻra, bolalar oʻrtasida Naerin Talipova, oʻsmirlar toifasida Kseniya Raxmatullayeva hamda yoshlar oʻrtasida Feliks Nuritdinov bosh sovrinni qoʻlga kiritishdi.