Misrning Sharm El Sheyx shahrida triatlon boʻyicha “Africa Triathlon Junior Cup” musobaqasi boʻlib oʻtdi. Unda ishtirok etgan Oʻzbekiston terma jamoasi aʼzosi Sultan Aliyev ikkinchi oʻrinni qoʻlga kiritdi.

Musobaqa yoshlar oʻrtasida oʻtkazilgan bois masofalar Olimpiya dasturining yarmi tarzida belgilandi. Sportchilar 750 metrga suzish, 20 kmga velopoyga va yakunda 5 kmga yugurish boʻyicha bellashishdi. Yurtdoshimiz ushbu masofalarni 1 soat, 5 daqiqa, 56 soniyada bosib oʻtishga muvaffaq boʻldi va kumush medal bilan taqdirlandi.

1. Kayl Erskayn (JAR) – 1:05:31
2. Sultan Aliyev (Oʻzbekiston) – 1:05:56
3. Yusuf Muhammad (Misr) – 1:07:18