Janubiy Afrika Respublikasining Durban shahrida stol tennisi boʻyicha jahon chempionati boshlandi. Unda Oʻzbekiston terma jamoasi aʼzolari Marhabo Magdiyeva hamda Arujan Kamalova juftlik bahslarida ishtirok etishdi.

Qurʼaga koʻra, hamyurtlarimiz ilk bosqichda meksikalik Kossio Achaves hamda Yadira Silva juftligiga qarshi bahs olib borishdi. Afsuski, bellashuv Lotin Amerikasi vakillarining 3:0 hisobidagi gʻalabasi bilan tugadi. Shu tariqa sportchilarimizning musobaqadagi ishtiroki yakunlandi.