Yunon-rum kurashi boʻyicha Oʻzbekiston terma jamoasi Toshkent viloyatining Ugom dam olish maskanidagi bazada oʻquv-mashgʻulot yigʻinini olib bormoqda. Ravshan Roʻziqulov boshchiligidagi sportchilarimiz ushbu yigʻin orqali kelasi oy boʻlib oʻtadigan kattalar oʻrtasidagi xalqaro turnir va Qirgʻizistonda oʻtadigan U-23 Osiyo chempionatiga hozirlik koʻrishmoqda. Tarkibga Abror Ataboyev, Aram Vardanyan, Jasurbek Ortiqboyev, Jalgasbay Berdimuratov kabi yetakchilar qatori yoshlar terma jamoasi vakillari ham jalb qilingan. Mashgʻulotlar 29-mayga qadar davom etadi.