18 May 2023
937
Konkurchilarimiz Rossiyaga yo’l olishdi
Konkur bo‘yicha O‘zbekiston terma jamoasi Qirg‘izistonda o‘tgan Jahon kubogining Yevrosiyo ligasi va Millatlar kubogi musobaqalarida g‘alaba qozonganidan so‘ng navbatdagi turnirda ishtirok etish uchun Rossiyaning Moskva shahriga yo‘l oldi. Hamyurtlarimiz ushbu shaharda “Bit River Cup” musobaqasida qatnashishadi.
Bellashuvlar 26-30 may kunlari bo‘lib o‘tadi. Konkur olamidagi yirik musobaqalardan biriga aylanib borayotgan ushbu turnir ko‘plab mutaxassislarning diqqat-markazida bo‘ladi. Terma jamoamiz vakillariga bo‘lajak startda ulkan muvaffaqiyatlar tilab qolamiz.
