Mahoratli konkurchilarimiz Feruz va Abdurahmon Abdullayevlar Italiyaning Montefalko shahrida oʻtgan xalqaro musobaqada oʻz ishtiroklarini yakunlashdi. “La Lame Horses Sporting Club” arenasi mezbonlik qilgan turnir chavandozlarimiz uchun katta tajriba boʻldi.

Abdurahmon Abdullayev 145 sm balandlikdagi 2 fazali toʻsiqlardan sakrash yoʻnalishida “Go Four IT B” tulpori bilan ishtirok etib, toʻqqizinchi natijani qayd etdi. Aynan mana shu balandlikdagi toʻsiqlardan sakrash boʻyicha oʻtgan keyingi dasturda esa “Quintair” bilan 13-pogʻonadan joy oldi. Sportchimizga kelgusi musobaqalarda omad tilab qolamiz.