Yengil atletika olamida uzoq masofalarga yugurish boʻyicha bir qator yoʻnalishlar boʻlib, ularda jahon rekordlari yuritib boriladi. Litvada oʻtgan Nord Security Worldʻs Fastest Run musobaqasida 100 kmga yugurish dasturida yangi jahon rekordi qayd etildi.

Ushbu rekordga litvalik Aleksandr Sorokin mualliflik qildi. Sportchi masofani 6 soat, 5 daqiqayu 35 soniyada bosib oʻtdi. Bu avvalgi rekord sohibi yaponiyalik Nao Kazamining natijasidan (6:09:14) 3 daqiqayu 39 soniyaga yaxshiroq koʻrsatkich boʻldi. Sorokin marafon masofasini (42 km, 195 m) bosib oʻtish uchun 2:32:30 vaqt sarflagan. Poyga Litva poytaxtida 19 daraja iliq havoda oʻtkazilgan.