Bugun Xitoyning Shanxay shahrida kamondan otish boʻyicha Jahon kubogining ikkinchi bosqichiga start berildi. Unda Oʻzbekiston terma jamoasi gʻoliblik uchun bahs olib bormoqda.

Reglamentga koʻra, musobaqaning birinchi kun doirasida saralash bosqichining ilk bahslari oʻtkaziladi. Shundan soʻng sportchilar olimpiya tizimida gʻoliblik uchun kurashni davom ettirishadi. 21-mayga qadar davom etadigan musobaqada terma jamoamiz quyidagi tarkibda ishtirok etmoqda:

Erkaklar: Mirjalol Qarorov, Amirxon Sodiqov, Ozodbek Ungalov, Chen Yao Yuy.

Ayollar: Zebiniso Abdusattorova, Ziyodaxon Abdusattorova, Nilufar Hamroyeva, Kamola Yunusova.