12 May 2023
737
Konkurchilarimiz Gran-pri yoʻnalishida tengsiz
Maʼlum qilganimizdek, ayni kunlarda konkur va ot yoʻrttirish boʻyicha Oʻzbekiston terma jamoasi Qirgʻizistonning Bishkek shahrida oʻtayotgan “Eurasia league Bishkek 2023” musobaqasida ishtirok etmoqda. Hamyurtlarimiz turnirning Gran-pri yoʻnalishida oltin va kumush medallarni qoʻlga kiritishdi.
150 sm balandlikdagi toʻsiqlardan sakrash dasturida “Chempions Ligas” tulporida ishtirok etgan Xurshidbek Alimjonov masofani jarima ochkolarisiz bosib oʻtib, eng yuqori natijani qayd etdi. Ikkinchi oʻrin “Bozart De Ruet” otida ishtirok etgan Aʼzam Tolibboyevga nasib etgan boʻlsa, Rinata Galimova (Qirgʻiziston) kuchli uchlikni yakunlab berdi. Qayd etish joiz, musobaqada Bekzod Qurbonov va Nurjan Tuyakbayev keyingi pogʻonalarni band etishdi.
