11 May 2023
1208
Rigina Adashbayeva Osiyo chempionatida kumush va bronza medallarini qoʻlga kiritdi
Janubiy Koreyada ogʻir atletika boʻyicha oʻtayotgan Osiyo chempionatining yana bir kuni Oʻzbekiston terma jamoasi uchun muvaffaqiyatli ortda qoldi. Ayollar oʻrtasida -87 kg vazn toifasida kechgan bahslarda Rigina Adashbayeva kumush va bronza medallariga ega chiqdi.
Hamyurtimiz dast koʻtarish mashqida 103 kg natija bilan ikkinchi oʻrinni egalladi. Siltab koʻtarishda esa 127 kg bilan toʻrtinchi natijani qayd etdi. Ikki kurash boʻyicha 230 kg natija sportchimizga shohsupaning uchinchi pogʻonasidan joy olishini taʼminladi.
-87 kg:
1. Ying-Yuan Lo (Xitoy Taipeyi) – 241 (110+131) kg
2. Xa-Je Yun (Janubiy Koreya) – 231 (99+132) kg
3. Rigina Adashbayeva (Oʻzbekiston) – 230 (103+127)
