Bugun velosport boʻyicha Oʻzbekiston terma jamoasi aʼzosi Olga Zabelinskaya tavallud ayyomini nishonlamoqda.

Olga Sergeyevna Zabelinskaya 1980-yil 10-may kuni Rossiya Federatsiyasining Sankt-Peterburg shahrida tavallud topgan. Veloshosse boʻyicha London-2012 va Rio-2016 Olimpiya oʻyinlari sovrindori. Hozirda Oʻzbekiston terma jamoasi sharafini himoya qilayotgan Olga Sergeyevna Osiyo chempionatlarining 3 ta oltin, 1 ta kumush va 2 ta bronza medallarini qoʻlga kiritgan. Tokio-2020 Olimpiadasi ishtirokchisi. Oʻtgan yili Konya-2021 Islom birdamligi oʻyinlarida 3 ta oltin medalga sazovor boʻlgan. Ushbu natijalari evaziga “Oʻzbekiston Respublikasida xizmat koʻrsatgan sportchi” faxriy unvoni bilan taqdirlangan.

Oʻzbekiston Milliy Olimpiya qoʻmitasi Olga Zabelinskayani tavallud ayyomi bilan tabriklab, unga uzoq umr, sihat-salomatlik va ulkan gʻalabalar tilab qoladi.