Toshkent shahri va viloyatida velosportning shosse yoʻnalishi boʻyicha xalqaro musobaqa start olmoqda. 10-14-may kunlari boʻlib oʻtadigan “OQTOSH-CHORVOQ MOUNTAIN” koʻp kunlik turnirida Oʻzbekiston, Gretsiya, Ozarbayjon, Filippin, Qozogʻiston, Tailand, Quvayt kabi davlatlardan 120 nafar sportchi ishtirok etadi.

Yana bir ahamiyatli tomoni, musobaqa Xalqaro velosportchilar ittifoqining taqvimidan oʻrin olgan boʻlib, atletlar u orqali Parij-2024 Olimpiya oʻyinlariga qimmatli reyting ochkolarini jamgʻarishlari mumkin. Reglamentga koʻra, bugun poygachilar 9.5 km masofada shaxsiy vaqt boʻyicha bahs olib borishadi.