Saytning eski versiyasi

Qatar mezbonlik qilayotgan dzyudo bo’yicha jahon chempionatining ikkinchi kuni ham O’zbekiston terma jamoasi uchun muvaffaqiyatli o’tmoqda. Hamyurtimiz Diyora Keldiyorova -52 kg vazn toifasida final yo’llanmasini qo’lga kiritdi.

Dzyudochimiz ikinchi davradan bahslarga qo’shilib, dastlab ispaniyalik raqibini mag’lubiyatga uchratdi. Uchinchi bosqichda u bilan to’qnash kelishi kutilgan narigi juftlikdagi har ikki sportchi ham diskvalifikatsiya qilingach, Keldiyorova chorak finalga to’g’ridan to’g’ri yo’l oldi. Yarim final ostonasida isroillik Gefen Primo, final yo’lida esa vengriyalik Reka Pupp ham mag’lub etildi.

Endi u chempionlik uchun amaldagi jahon va Olimpiada chempioni yaponiyalik Uta Abe bilan kurashadi.