Polshaning Sopot shahrida ot sportining uchkurash yoʻnalishi boʻyicha “Spring Tour” musobaqasi yakunlandi. Maʼlum qilganimizdek, unda Oʻzbekiston terma jamoasi jamoasi aʼzosi Jasurbek Xotambekov ishtirok etdi.

Hamyurtimizga bellashuvlarda “Viola” laqabli tulpor hamrohlik qildi. 13 mamlakatdan tashrif buyurgan 80 nafar sportchi orasida yurtdoshimiz 10-natijani koʻrsatdi. Turnirda asosan Yevropa vakillari ishtirok etgani, qolaversa, Olimpiya dasturidan oʻrin olgan ushbu yoʻnalish mamlakatimizda endi rivojlanayotganini inobatga olsak, bu Xotambekov uchun munosib natija boʻldi. Sportchimizga kelgusi musobaqalarda ham omad tilab qolamiz.