Dzyudo bo’yicha jahon chempionatining birinchi kuni O’zbekiston terma jamoasi uchun omadli o’tmoqda. -60 kg vazn toifasida kurashayotgan Dilshodbek Baratov final yo’llanmasini qo’lga kiritdi.

Baratovning musobaqadagi starti ajoyib revanshlar bilan boshlandi. Dastlab mo’g’ulistonlik Ariunbold Enxtayvindan Toshkentdagi JChning yarim final, undan so’ng esa jahon chempioni, ikki karra Olimpiada sovrindori qozog’istonlik Yeldos Smetovdan bronza medali uchun bahsdagi mag’lubiyatlar uchun revansh olindi. Hamyurtimiz chorak finalda marokashlik Yones Saddiki, yarim finalda esa belgiyalik Yorre Verstraytendan ustun keldi. Uning finaldagi raqibi ispaniyalik Fransisko Garrigos bo’ladi.