Ot sportining uchkurash yo‘nalishi bo‘yicha O‘zbekiston terma jamoasi a’zosi Jasurbek Xotambekov Polshaning Sopot shahrida tashkil etilayotgan nufuzli xalqaro musobaqada ishtirok etmoqda. 7 mayga qadar davom etadigan turnirda 13 mamlakatdan 80 nafar chavandoz g‘oliblik uchun kurash olib bormoqda.

Xotambekovga bellashuvlarda “Viola” laqabli tulpori hamrohlik qiladi. Hamyurtimiz oti bilan karantin tekshiruvlaridan muvaffaqiyatli o‘tdi. Endi ular manejdagi yurish, kross va konkur dasturlarini o‘z ichiga olgan bahslarda yurtimiz sharafini himoya qilishadi.