Merganlarimiz Osiyo kubogida bronza medallari uchun bahs olib borishadi
Shu kunlarda Toshkentda kamondan otish bo‘yicha Osiyo kubogining ikkinchi bosqichi o‘tkazilayotgani haqida maʼlum qilgan edik. Ayni paytga kelib, barcha yo‘nalishlarda medallar uchun kurash olib boradigan sportchilar nomi maʼlum bo‘ldi. Quvonarlisi, musobaqada ishtirok etayotgan hamyurtlarimiz 4 yo‘nalishda bronza medali uchun maydonga chiqadigan bo‘lishdi. Yarim finalda imkoniyatni boy bergan O‘zbekiston erkaklar, ayollar va mikst jamoasi, shuningdek, yakkalik bellashuvida Ziyodaxon Abdusattorova 5-may kuniga belgilangan dasturda shohsupaga ko‘tarilish uchun o‘z omadini sinab ko‘rishadi.
Bronza medali uchun:
Ayollar: O‘zbekiston – Gruziya
Erkaklar: O‘zbekiston – Qozog‘iston
Mikst: O‘zbekiston - Xitoy
Yakkalik: Ziyodaxon Abdusattorova – Siaoleyi Yan (Xitoy)
