1 May 2023
1271
Toshkentda kamondan otish bo‘yicha Osiyo kubogi boshlandi
Bugun poytaxtimizdagi Respublika olimpiya va paralimpiya sport turlariga tayyorlash markazida kamondan otish boʻyicha Osiyo kubogining 2-bosqichi boshlandi. Qayd etish joiz, mazkur toifadagi musobaqa mamlakatimizda ilk bor tashkil etilmoqda. Unda qitʼamizning 13 davlatidan 100 nafar sportchi gʻoliblik uchun kurashishadi.
Reglamentga bugun, musobaqada saralash bahslari oʻtkaziladi. Bellashuvlarda yurtimiz sharafini 8 nafar merganimiz himoya qilishmoqda. Musobaqa 5-mayga qadar davom etadi.
