Millatlar kubogida konkurchilarimizning navbatdagi gʻalabasi
Toshkentda konkur boʻyicha “Grand Prix Eurasia league Tashkent 2023” musobaqasining ikkinchi kun bellashuvlari yakuniga yetdi. “Universal Horses Stable” mezbonlik qilayotgan musobaqaning ortda qolgan ushbu kunida barchaning diqqat-markazi 150 sm balandlikdagi toʻsiqlardan sakrash dasturiga qaratildi.
Bahslar yakunigacha barchani katta hayajonda ushlab turgan dasturda Xurshidjon Alimjonov gʻalaba qozondi. “Champions League” tulpori bilan harakat qilgan Alimjonov 91.45 soniya qayd etishga erishdi. Ikkinchi oʻrin “Kalleko” bilan harakat qilgan Saidamirxon Turgʻunboyevga nasib etgan boʻlsa, “Bazart De Ruet” oti Aʼzam Tolibboyevga uchinchi oʻrinni taqdim qildi. Ahamiyatlisi, keyingi pogʻonalar ham yurtdoshlarimiz Nurjan Tuyakbayev (“Kvintes NV”) va Bekzod Qurbonovga (“Mats VG”) nasib etdi. Bellashuvlar davom etadi.
