28 Aprel 2023
984
Chusovitina va Aripova Qohirada oʻtayotgan Jahon kubogi finaliga yoʻl olishdi
Misr poytaxtida sport gimnastikasi boʻyicha Jahon kubogining navbatdagi bosqich bellashuvlariga start berildi. Birinchi kun bahslari yakuniga koʻra, Oksana Chusovitina tayanib sakrash, Dildora Aripova esa turli balandlikdagi bruslarda mashq dasturida final yoʻllanmasini qoʻlga kiritdi.
Afsuski, yigitlarimiz hali final yoʻllanmasiga ega chiqishmadi. Bugun saralash bosqichining ikkinchi kun bahslari davom etadi. Eslatib oʻtamiz, mazkur bosqich orqali sportchilar Belgiyada oʻtadigan jahon chempionati yoʻllanmasi uchun qimmatli reyting ochkolarini jamgʻarishmoqda. Antverpen shahri mezbonlik qiladigan dunyo birinchiligida esa Parij-2024 Olimpiadasining litsenziyalari oʻynaladi.
