Velosportchilarimiz AQSh va Chexiyada Parij-2024 reyting ochkolari uchun kurashishmoqda
Ayni kunlarda velosportning shosse yoʻnalishi boʻyicha dunyo boʻylab “2.2 Stages Class 2” tasnifiga kiruvchi musobaqalar boʻlib oʻtmoqda. Oʻzbekiston ayollar terma jamoasining asosini tashkil etuvchi “Tashkent city women professional cycling team” klubi AQSh va Chexiyada oʻtkazilayotgan musobaqalarda qatnashmoqda. Koʻpkunlik poygalarni oʻz ichiga olgan bahslar orqali sportchilar Parij-2024 Olimpiadasi reytingi uchun qimmatli ochkolarni oʻz hisoblariga yozib qoʻyishlari mumkin. Poygalar 30-aprelga qadar davom etadi.
AQShdagi turnirda qatnashayotgan tarkib: Olga Zabelinskaya, Nafosat Koziyeva, Margarita Misyurina, Sofiya Karimova.
Chexiyadagi turnirda qatnashayotgan tarkib: Shahnoza Abdullayeva, Yanina Kuskova, Madina Qahhorova, Yevgeniya Golotina, Yekaterina Knebeleva, Asal Rizayeva.
