Sport kurashlari bo‘yicha Osiyo chempionatini 11 ta medal bilan yakunladik
Qozog‘iston poytaxti Ostona shahrida sport kurashlari bo‘yicha qitʼa birinchiligi o‘z yakuniga yetdi. Unda ishtirok etgan O‘zbekiston terma jamoasi 1 ta oltin, 5 ta kumush va 5 ta bronza, jami 11 ta medalga sazovor bo‘ldi.
Musobaqaning yakuniy kunida Bobur Islomov (-86 kg) bronza medali uchun kechgan bellashuvda g‘alaba qozonib, uchinchi o‘rinni qo‘lga kiritdi. Mazkur qitʼa birinchiligida shohsupaga ko‘tarilgan sportchilarimizni eslab o‘tamiz:
Oltin medal:
-67 kg: Abror Ataboyev (yunon-rum kurashi)
Kumush medal:
-63 kg: Shermuhammad Sharibjonov (yunon-rum kurashi)
-50 kg: Jasmina Immayeva (ayollar kurashi)
-57 kg: Laylo Sobirova (ayollar kurashi)
-70 kg: Zafarbek Otaxonov (erkin kurash)
-79 kg: Bekzod Abdurahmonov (erkin kurash)
Bronza medal:
-55 kg: Ixtiyor Botirov (yunon-rum kurashi)
-87 kg: Jalgasbay Berdimuratov (yunon-rum kurashi)
-53 kg: Aktenge Keunimjayeva (ayollar kurashi)
-86 kg: Bobur Islomov (erkin kurash)
-97 kg: Maxsud Veysalov (erkin kurash)
O‘zbekiston Milliy Olimpiya qo‘mitasi ushbu natija bilan O‘zbekiston sport kurashlari assotsiatsiyasi, sportchi va murabbiylarimizni qutlaydi.
