11 Aprel 2023
1446
Jasmina Immayeva Osiyo chempionatining kumush medalini qoʻlga kiritdi
Sport kurashlari boʻyicha Oʻzbekiston terma jamoasi Qozogʻistonda oʻtayotgan Osiyo chempionatining uchinchi kunida yana bir medalga sazovor boʻldi. -50 kg vazn toifasida ishtirok etgan hamyurtimiz Jasmina Immayeva kumush medal sohibiga aylandi.
Yurtdoshimiz finalda yaponiyalik jahon chempioni Remina Yashimoto bilan bellashdi. Afsuski, bahs kunchiqar yurt vakilining gʻalabasi bilan yakunlandi va Immayeva ikkinchi oʻrin bilan cheklandi. Bu kurashchimiz uchun qitʼa birinchiligidagi uchinchi medal boʻldi.
