Yosh xokkeychilarimiz Osiyo chempionatida peshqadamlik qilishmoqda
Maʼlum qilganimizdek, ayni kunlarda Moʻgʻulistonda xokkey boʻyicha yoshlar oʻrtasida Osiyo chempionati boʻlib oʻtmoqda. Unda ishtirok etayotgan Oʻzbekiston terma jamoasi 2-turdan soʻng yetakchiga aylandi.
Ortda qolgan kunda Eron bilan bahs olib borgan yigitlarimiz 14:1 hisobida gʻalaba qozonishdi. Shu tariqa, 6 ochko jamgʻargan jamoamiz shaybalar nisbatiga koʻra peshqadamga aylanib oldi. Bugun musobaqada dam olish kuni. 3-turda hamyurtlarimiz dastlabki ikki oʻyinda gʻalaba qozongan mezbonlarga qarshi bahs olib borishadi. Yana bir ahamiyatli tomoni, musobaqa davomida 6 bor raqib darvozasini ishgʻol qilgan va yana shuncha assist muallifiga aylangan yurtdoshimiz Jasurbek Rustamxonov 2 turdan soʻng eng yaxshi snayper boʻlib turibdi.
2-tur: Oʻzbekiston – Eron 14:1
14.03.2023
3-tur: Moʻgʻuliston – Oʻzbekiston
