Saytning eski versiyasi

Toshkentda o’tayotgan futbol bo’yicha U-20 Osiyo chempionatida O’zbekiston yoshlar terma jamoasi chorak finalda Avstraliyani penaltilar seriyasida mag’lub etib, yarim final bosqichi bilan birga joriy yil Indoneziya mezbonlik qiladigan jahon chempionatiga yo’l oldi. Shu tariqa O’zbekiston U-20 yoshlar terma jamoasi 8 yillik tanaffusdan so’ng yana bir mundialda ishtirok etish huquqini qo’lga kiritmoqda. Qayd etish joiz, bu yoshlar terma jamoamiz uchun 5-jahon chempionati bo’ladi!

O’zbekiston Milliy Olimpiya qo’mitasi ushbu muvaffaqiyat bilan O’zbekiston futbol assotsiatsiyasi, futbolchilarimiz, murabbiylar shtabi hamda millionlab hamyurtlarimizni tabriklab, yoshlarimizga kelgusi bosqichlarda ham omad va muvaffaqiyat tilab qoladi.