4 Mart 2023
1149
Qilichbozlik: bugun jamoaviy dasturga navbat berildi
Poytaxtimiz mezbonlik qilayotgan qilichbozlik bo'yicha o'smirlar va yoshlar o'rtasidagi Osiyo chempionatida navbatdagi kun bahslari o'tkazilmoqda. Unda o'smirlar toifasida jamoaviy dastur bellashuvlari bo'lib o'tyapti.
Bugungi dasturdan yigitlar o'rtasida shpaga va sablya, qizlar o'rtasida rapira qurolidagi bahslar o'rin olgan edi. Afsuski, hamyurtlarimiz barcha dasturlarda medallar uchun kurashni erta tark etishdi. Ertaga ham jamoaviy bahslar davom ettirilib, unda qizlar shpaga va sablya, yigitlar rapira qurolida jang qilishadi.
Eslatib o'tamiz, ayni paytgacha O'zbekiston terma jamoasi hisobida 2 ta oltin medali mavjud.
