Saytning eski versiyasi

Sportimiz faxriylari yosh avlod vakillariga oʻzlarining boy va ulkan tajribalarini berib kelishgan. Sport gimnastikasi boʻyicha Sobiq Ittifoq sport faxriysi, 1-darajali “Mehnat faxriysi” Erkin Giyazov Chilonzor tumanidagi sport maktablarida boʻlib, u yerlarda shugʻullanayotgan yoshlar bilan suhbatlashdi.

85 yoshli sport faxriysi samimiy uchrashuv davomida yoshlarni doimo mehnat qilishga, oʻz oldilariga qoʻygan maqsad sari dadil qadam tashlab borishga chorladi. Buning uchun davlatimiz tomonidan barcha sharoitlar yaratilgani, sportga bugungi davrda ulkan eʼtibor qaratilayotgan xususida toʻxtalar ekan, ushbu imkoniyatlardan unumli foydalanib qolish zarurligini taʼkidladi.

Uchrashuv davomida yosh sportchilar oʻzlarini qiziqtirgan savollariga javob olishdi. Katta hayotiy tajribaga ega Erkin Giyazov ularga qimmatli nasihatlar berdi.