13 Fevral 2023
913
Aleksey Mochalovni tabriklaymiz!
Bugun baydarka va kanoeda eshkak eshish boʻyicha Oʻzbekiston terma jamoasining sobiq aʼzosi Aleksey Mochalov tavallud ayyomini nishonlamoqda.
Aleksey Yuryevich Mochalov 1990-yil 13-fevral kuni Toshkent shahrida tavallud topgan. Guanchjou-2010 va Incheon-2014 Osiyo oʻyinlari gʻolibi, koʻp karra Jahon kubogi sovrindori va Rio-2016 Olimpiadasi ishtirokchisi. Sportchimiz koʻrsatgan xizmatlari uchun “Oʻzbekiston Respublikasida xizmat koʻrsatgan sportchi” faxriy unvoni bilan taqdirlangan.
Oʻzbekiston Milliy Olimpiya qoʻmitasi sportchimizni tugʻilgan kuni bilan tabriklab, unga uzoq umr va sihat-salomatlik tilaydi.
