23 Yanvar 2023
1182
Yosh stol tennischimiz Fransiyadagi xalqaro musobaqada shohsupaga koʻtarildi
Fransiyada stol tennisi boʻyicha “ITTF World Hopes Week & Challenge 2023” xalqaro musobaqasi boʻlib oʻtdi. Unda ishtirok etgan yosh sportchimiz Arujan Kamalova bronza medaliga sazovor boʻldi.
Guruh bosqichidan muvaffaqiyatli oʻtgan Kamalova chorak finalda mezbon sportchini magʻlubiyatga uchratdi. Biroq yarim finalda tailandlik raqibasiga imkoniyatni boy berib qoʻydi. Bronza medali uchun kechgan bahsda esa eronlik sportchidan ustun kelib, sovrindorlar qatoridan joy oldi.
Ushbu natijasi bilan hamyurtimiz musobaqaning mart oyida Singapurda oʻtadigan navbatdagi bosqichida ishtirok etish huquqini qoʻlga kiritdi.
