23 Yanvar 2023
1046
Oʻzbekiston delegatsiyasining qishki Universiadadagi ishtiroki tugadi
AQSHning Leyk-Plesid shahrida XXXI Butunjahon qishki Universiada oʻyinlari oʻz yakuniga yetdi. Dunyoning 50 mamlakatidan tashrif buyurgan sportchilar orasida hamyurtlarimiz ham ishtirok etishdi.
Maʼlum qilganimizdek, unda Oʻzbekiston delegatsiyasi figurali uchish, snoubord va togʻ changʻisi bahslarida 13 nafar sportchi bilan qatnashdi. Garchi atletlarimiz unda sovrindorlar qatoridan joy olishmagan boʻlsalar ham, kelgusidagi faoliyatlari uchun ulkan tajriba toʻplashdi.
XXXII qishki Universiadaga 2025-yil Italiyaning Turin shahri mezbonlik qiladi.
