15 Yanvar 2023
1190
Konkurchimiz Abdurahmon Abdullayev xalqaro musobaqada kumush medal bilan taqdirlandi
Birlashgan Arab Amirliklarining Abu-Dabi shahrida konkur bo’yicha CSI*2 tasnifidagi xalqaro musobaqa bo’lib o’tmoqda. Quvonarlisi, unda ishtirok etgan yurtdoshimiz Abdurahmon Abdullayev balandligi 145 smdan iborat to’siqdan sakrash dasturida kumush medalni qo’lga kiritdi.
Oltin Gran-pri maqomidagi mazkur yo’nalishda hamyurtimizga “Caballone” laqabli tulpori hamrohlik qildi. Abdullayev faqatgina germaniyalik Devid Uillga imkoniyatni boy berdi xolos. Kuchli uchlikni mezbonlar vakili Salim Al Suvaydi yakunladi.
