Arslon Ilov va Raziya Yakubovani tabriklaymiz!
Bugun o’zbek sportining ikki zabardast vakili, O’zbekistonda xizmat ko’rsatgan murabbiylar Arslon Ilov 75, Raziya Yakibova 70 yoshni qarshi olishmoqda.
Arslon Nurovich Ilov 1948-yil 15-yanvar kuni dunyoga kelgan. Kurash, sambo, karate va dzyudo bo’yicha mutaxassis. Ushbu sport turlarida ko’plab ilmiy kitoblarning muallifi hisoblanadi. Arslon Nurovich mustaqillikning ilk yillarida mamlakat karate federatsiyasini boshqargan. Ko’plab Osiyo va jahon chempionlariga murabbiylik qilgan. “O’zbekiston Respublikasida xizmat ko’rsatgan sport ustozi” faxriy unvoni sohibi.
Raziya Garfitdinovna Yakubova 1953-yilning ushbu sanasida Toshkent shahrida tavallud topgan. Uzoq yillar Respublika Olimpiya zaxiralari kollejida trampolin bo’yicha yoshlarga saboq berib kelgan. Pekin-2008 yozgi Olimpiya o’yinlari sovrindori Yekaterina Xilkoning murabbiyi hisoblanadi. Davlatimiz tomonidan “O’zbekiston Respublikasida xizmat ko’rsatgan sport ustozi” faxriy unvoni bilan taqdirlangan.
O’zbekiston Milliy Olimpiya qo’mitasi, Sport faxriylari kengashi har ikki fidoyi mutaxassisni ushbu ayyom bilan tabriklab, ularga uzoq umr, sihat-salomatlik tilab qoladi.
