15 Yanvar 2023
1250
Leyk-Plesid-2023: Figurali uchuvchilarimizning ishtiroki yakunlandi
AQShning Leyk-Plesid shahrida XXXI Butunjahon qishki Universiada o’yinlari davom etmoqda. Ayni paytga kelib, delegatsiyamizdan 2 nafar figurali uchuvchi musobaqadagi ishtirokini tugatdi.
Dastlab erkaklar o’rtasidagi bahslarda Azizmurod Shabazov qisqa dasturdagi chiqishini namoyish etdi. Uning harakatlari hakamlar tomonidan 36.31 ball bilan baholandi. Ayollar o’rtasidagi bellashuvlarda esa Niginabonu Jamoliddinova 39.37 ballni qo’lga kiritdi. Afsuski, hamyurtlarimizning bu natijasi erkin dasturga yo’l olish uchun kamlik qildi.
